Беларускі фонд культурнай салідарнасці звярнуўся да прадзюсараў конкурса «Еўрабачанне» у Нідэрландах з прапановай удзелу беларускіх артыстаў у жывым эфіры шоу ў якасці музычных гасцей.

"— Мы прапанавалі, каб падчас аднаго з інтэрвал-актаў эфіра выступілі ўжо вядомыя для сям’і «Еўрабачання» гурты NaviBand і VAL разам з опернай спявачкай Маргарытай Ляўчук," — заявіў Сяргей Будкін, кіраўнік фонда.

Узнікла ідэя, каб беларускія артысты выканалі песню «Love shine a light», з якой у 1997 годзе Вялікабрытанія перамагла на конкурсе, і якая летась зрабілася гімнам аб’яднання музычнай Еўропы.

#Eurovision #Eurovision2021 #ESC #Belarus #OpenUp #Rotterdam

⚡️ Еўрапейскі вяшчальны саюз (EBU) адказаў на прапанову @by_culture пра ўдзел беларускіх артыстаў у якасці гасцей на конкурсе "Еўрабачанне-2021".

У лісце зазначаецца, што праграма шоу ўжо цалкам зацверджаная, у тым ліку, і выступы ўсіх артыстаў у інтэрвал-актах. Арганізатары выказваюць спадзеў, што Беларусь вернецца на "Еўрабачанне" ў 2022-м, калі "сітуацыя ў краіне стабілізуецца".

Разам з тым, EBU паведаміў, што занепакоены сітуацыяй ў Беларусі і будзе дамагацца ад Белтэлерадыёкампаніі адпавядаць у сваёй дзейнасці каштоўнасцям, задэклараваным у статуце саюза.

#StopBTRC #Eurovision #Eurovision2022 #OpenUp #Belarus