❤️ БНР106 быць! Арганізуем Дзень Волі разам.

Каманда БНР100 запусціла збор сродкаў на арганізацыю святкавання 106-й гадавіны абвяшчэння Беларускай Народнай Рэспублікі.

Сёлета арганізатары святкавання БНР100 ля Опернага тэатру ў Менску правядуць маштабную анлайн-трансляцыю свята 25 сакавіка, якое адбудзецца ў YouTube, і да яго зможа далучыцца кожны беларус і беларуска ці то ў Беларусі, ці то ў замежжы.

Ужо вядома, што ў святкаванні возьмуць удзел вядомыя беларускія гурты і аўтарытэтныя спікеры, з якімі будуць абмяркоўвацца пытанні нашай гісторыі, сучаснасці і беларускай ідэнтычнасці.

І сёлета кожны беларус і беларуска мае магчымасць узяць непасрэдны ўдзел у арганізацыі нашага свята. На платформе BYSOL запушчаны збор сродкаў на арганізацыю #БНР106.

Неабходна сабраць €25 000, якія пойдуць на арэнду пляцоўкі, абсталявання ды арганізацыю выступу музыкаў.

Падтрымаць БНР106 можна тут

❗️Нагадваем, што ў сувязі з абвінавачваннямі ў экстрэмізме, каманда BYSOL заклікае карыстацца для перавода сродкаў карткамі еўрапейскіх банкаў альбо данаціць праз PayPal (але не праз прывязаныя карткі).

❤️ У нас з вамі свята!

25 сакавіка 106 гадоў таму была абвешчаная незалежнасць Беларускай Народнай Рэспублікі. У гэты дзень мы ўпершыню на ўвесь свет заявілі: мы ёсць, у нас ёсць свая зямля і права будаваць сваю будучыню. Дык давайце правядзем Дзень Волі разам!

У 19:00 па мінскім часе 25 сакавіка на ютуб-канале «Годна» пачнецца святочная трансляцыя. Будзе шмат беларускай музыкі ў жывым выкананні, а таксама вас чакаюць гістарычныя цікавосткі, абмеркаванне сучаснай культуры і будучыні, пра якую мы марым.

❤️ J:МОРС
🤍 NAVIBAND
❤️ Dlina Volny

І гэта толькі пачатак, хутка будуць абвешчаныя іншыя музычныя гурты.

Уся асноўная інфармацыя – па хэштэгу #БНР106.

Дзяліцеся з блізкімі, запамінайце час і месца сустрэчы – мы робім гэта для кожнай і кожнага, хто чытае гэтыя радкі. Збірайцеся з роднымі і сябрамі і ўключайце трансляцыю разам. Насычаны эфір запланаваны на ўвесь вечар. У вас будзе магчымасць бяспечна пагутарыць з гасцямі шоу і прывітаць землякоў 😉.

Нагадваем, што вы можаце падтрымаць арганізацыю нашага свята тут – будзем вельмі ўдзячныя.

З любоўю,
Каманда БНР100

❤️ VOLSKI, DZIECIUKI, NOCHY і іншыя гурты зайграюць на БНР106

@bnr100by апублікавалі line up анлайн-святкавання #БНР106, якое адбудзецца ўжо праз 13 дзён — 25 cакавіка а 19:00 на YouTube-канеле «Годна». У святкаванні возьмуць удзел:

🔴J:МОРС,
🔴NAVIBAND,
🔴DLINA VOLNY,
🔴NOCHY,
🔴DZIECIUKI,
🔴VOLSKI.

Акрамя таго, запрошаныя эксперты ў галіне нашай культуры і гісторыі, з якімі абмяркуюць мінулае, сучаснасць і будучыню, а весці мерапрыемства будуць Ліза Ветрава і Дзяніс Дудзінскі.

25 сакавіка а 19:00! Адзначым разам!

Падтрымаць правядзенне БНР106 можна тут
Ужо сабрана € 3 088 з € 25 000.

Нагадваем, што ў сувязі з абвінавачваннямі ў экстрэмізме, каманда BYSOL заклікае карыстацца для перавода сродкаў карткамі еўрапейскіх банкаў альбо данаціць праз PayPal (але не праз прывязаныя карткі).

❤️ Беларусы святкуюць Дзень Волі па ўсім свеце

Учора акцыі і маршы з нагоды #БНР106 адбыліся ў Варшаве, Беластоку, Быдгашчу, Гданьску, Лодзі, Празе, Батумі, Бруселю, Вільні і нават Каларада.

Глядзіце, як гэта было

Сёння ж акцыі працягваюцца і пройдуць яшчэ ў больш чым 10-і гарадах:

🇱🇹 Вільня. 18:00. Лукішская плошча.
🇱🇹 Клайпеда. 18:30. Tiltu 2
🇵🇱 Ольштын. 17:30. plac Jana Pawla II
🇵🇱 Торунь. 18:00. Pomnik Mikołaja Kopernika
🇵🇱 Уроцлаў. 18:00. Plac Wolności
🇵🇱 Кракаў. 18:30. Plac Wielkiej Armii Napoleona
🇩🇪 Брэмен. 16:00. DGB-Haus
🇮🇱 Ашдод. 18:00. Помнік Я.Купалу
🇬🇪 Тбілісі. 19:30. Парламэнт Грузіі
🇺🇸 Бостан. 12:30. Boston City Hall
🇺🇸 Х’юстан. 17:00. King’s BierHaus

Калі вы ведаеце, дзе яшчэ плануюцца імпрэзы да 25 сакавіка — дасылайце інфармацыю ў @dzechat_bot ці праз форму для сувязі на сайце bnr106.info.

І нагадваем, што сёння а 19:00 на YouTube-канале «Годна» пачнецца вялікае анлайн-святкаванне #БНР106, дзе зайграюць J:МОРС, NAVIBAND, ŠUMA, NOCHY, DZIECIUKI і VOLSKI.

@motolkohelp

❤️ Пачынаецца анлайн-святкаванне #БНР106

Далучайцеся да свята прама зараз на YouTube-канале «Годна».

https://www.youtube.com/live/pnezxWtdf1E?si=e6wBtcKTTCc1reTp